Уметничката акција „Допри ме“ беше спроведена во центарот на Скопје од неколкумина активисти и истата беше посветена на малечката Ембла, чие што отфрлање од средината, пред очите на јавноста, уште еднаш не ‘потсети на нетолерантноста на сите нас кон се’ на она што е различно.
Активистите на своите тела носеа натписи „И јас имам Даунов синдром, те молам допри ме“, надевајќи се дека на тој начин ќе се оствари директен контакт со граѓаните и ќе се сензибилизира јавноста за овој проблем и барем малку ќе се придонесе кон зголемувањето на толеранцијата кон различните.
Интересен е податокот дека во рамките на акциија која беше спроведена во центарот на Скопје во времетраење од неколку часа, од околу 3000 минувачи кои поминале во непосредна близина на активистите – само поразувачки 3% или нешто помалку од 100 луѓе оствариле контакт односно ги допреле активистите.
