Работилница за фотографија и изложба (28-29-30 август 2025)
Колективната изложба „No more blush / Без руменило“, на која ќе бидат претставени делата создадени за време на истоимената фото-феминистичката работилница одржана под менторство на фотографката Соња Ставрова и историчарката на уметност Тијана Ана Спасовска.
Изложбата ја продолжува линијата на женскиот активизам во уметноста што започна со борбата за видливост и еднакви права во 20 век, но денес добива ново значење во контекстот на интимното, личното и политичкото. Фотографијата и зборот стануваат алатки на солидарност и бунт, креирајќи простор за заедничко сведочење.
Делата ја истражуваат темата на женското репродуктивно здравје низ призмата на лични искуства и критички рефлексии, создавајќи визуелни наративи кои не само што зборуваат, туку повикуваат и на промена. Во овој процес, гласовите на учесничките не се само сведоштва – тие се ко-авторки на еден заеднички јазик што ја претвора интимната приказна во колективно сведочење, а личниот бол и радост во сила на заеднички отпор и солидарност.“ Оваа изложба е покана за разговор и споделување – за да се прекине тишината и заедно да се изгради колективен глас.
Соња Ставрова, Магистер за филм- фотограф на Универзитетот Еуропа Прима, Скопје, 2019
САМОСТОЈНИ ИЗЛОЖБИ 2023 „Портрет на Кралот Алкохол“, Младински културен центар, Скопје 2022 „Кралот Алкохол“, Младински културен центар, Скопје 2022 „Кралот Алкохол“, Brick, Кавадарци 2022 „Цензура“, Дом на култура „Ацо Шопов“, Штип 2021 „26/6“,онлајн изложба организирана од Културно социјален простор – Подиум Јадро 2019 „Цензура“, Национална галерија на Северна Македонија – Мала станица 2019 „Цензура“, Дом на култура „Иван Мазов – Климе“, Кавадарци. ГРУПНИ ИЗЛОЖБИ 2023 „Под земја полесно се дише“- Скопје 2023 „50 години Младински културен центар“- Скопје 2021 “Here’s the artist”- Скопје,Загреб и Единбург 2018 Завршна изложба на финалистите „Rovinj Photo Days“ Загреб и Ровињ, Хрватска 2018 „Фото Софија“, Археолошки музеј- Загреб, Хрватска 2018 „Идентитет“, Универзитет за применети науки – Оддел за дизајн, Дортмунд, Германија 2018 „Идентитет“- Кинотека на Северна Македонија, Скопје 2019 „All Girls Festival“,Скопје 2020 „Channel your inner drag“- Скопје 2019 „Фестивал на мурали“, Кинотека на Северна Македонија, Скопје 2018, 2019, 2020 „Млади уметници од Кавадарци и нивни гости“, Кавадарци 2018 „Влажен колодиумски процес“, Makedox- Скопје, НАГРАДИ И ПРИЗНАНИЈА ЈАЗИЦИ 2018 Второ место на Rovinj Photo Days во категорија „Капитализам“ – акт, Ровињ, Хрватска. 2017 Прво место на изложбата „Теми од мојата земја – Македонија“, Скопје.
